Frå venstre : Prosjektleiar Kristian Birkeland, ordførar Inge Reidar Kallevåg og rådmann Sverre Olav Svarstad.

Bømlo kommune er ein av til saman 8 kommuner som inngår i KRD sitt omstillingsprogram "Stifinnaren - modernisering for velferd.

Prosjektet Stifinnaren - Bømlo kommune er ein ”paraply” for ei rekke utviklingsprosjekt i regi av Bømlo kommune. Gjennom Stifinnaren skal ein sikre ein samla heilskapleg utvikling av kommunen. Hovudaktiviteten skal vera å koordinere eksisterande prosjekt og å initiere nye tiltak som naturleg høyrer inn under hovudprosjektet sin ide om ”modernisering for velferd”. Vidare er det viktig å sikre god intern og ekstern informasjon om utviklingsarbeidet gjennom alle fasar av prosjektet.

Gjennom samhandling med andre kommunar og KRD har ein tilgang til ein felles kunskaps- og erfaringsbase som er vesentleg for positiv utvikling av dei einskilde prosjekta.

Prosjektet skal avsluttast 31.12.06

Fokusområde

Det er vald ut 7 fokusområde. Desse er :

Organisasjon                                                              Digitalisering av Bømlo kommune

Alternativ organisering og alternative driftsformer       Kvalitetssikring og effektivisering

Offentleg service                                                         Skuleutvikling

Næringsutvikling

Det vert arbeidd med ei rekke delprosjekt under kvart fokusområde. I 2005 var det aktivitet i 17 ulike prosjekt. Til saman 60 tilsette var direkte involvert i dei ulike prosjektgruppene.

Hovudmål

Prosjektet skal styrke Bømlo kommune som ein effektiv, service- og brukarretta kommune.

Prosjektet skal medverke til at kommunen er i framkant av utviklinga i forhold til dei krav samfunnet sett til kommunesektoren.

Delmål:

1. Auka kvaliteten på kommunen som serviceverksemd overfor barn, unge, vaksne, eldre, organisasjonar og næringsliv.
2. Gjere dei kommunale tenestene meir tilgjengelege og brukarvenlege gjennom auka satsing på nettbaserte tenester og utvikling av breibandnettet.
3. Optimalisere rolledelinga mellom kommune, næringsliv og frivillige organisasjonar
4. Effektivisere den kommunale drifta tilsvarande 15 mill. kr innan 31.12.06

 Året 2006

Det er laga eit eige informasjonshefte om aktivitetane dette året. Denne og andre sentrale dokument finn du i lenkesamlinga under.